आजको राशिफल

नवयूग ज्योतिष परामर्श सेवा केन्द्र, 

लगनखेल,९८५११७८४५९

बि.स. २०७३ साल भाद्र १८ गते । शनिबार  । ईश्वी सन् २०१६ सेप्टेम्बर ३ तारिख ।  नेपाल सम्बत् १९३६ । सौम्यनामसंवत्सर । दक्षिणायनं । बर्षा ऋतु । श्रीशाके १९३८  । भाद्र शुक्ल द्धितीया १५ बजेर २६ मिनेट उप्रान्त तृतीया । नक्षत्र उत्तरफाल्गुनी १४ बजेर १४ मिनेट उप्रान्त हस्ता । काठमाडौंमा सूर्योदय ५ बजेर ४४ मिनेट, सूयास्त बेलुका ०६ बजेर २० जादा । दिनमान ३१ घडी ३१ पला । तिजको दर खाने दिन ।

मेष (चु चे चो ला लि लु ले लो अ) वादबिवाद तथा प्रतिश्पर्धामा  जित निश्चित छ । मुद्दा मामिलामा तथा न्यायलयबाट हुने निर्णयहरु तपाईकै पक्षमा हुनेछन् । ब्यापार ब्याबसाय फस्टाएर जानेछ । माया प्रेम तथा दाम्पत्य जिवनको गाठो झन् मजभुत भएर जानेछ । कुरा काट्नेहरु प्रशंसा गर्दै हिड्नेछन् । पुरानो रोग निको भएर जानेछ । बिद्यामा सफलता पाईनेछ । मावलि पक्षबाट तपाईको काममा आर्थिक हुनेछ ।

बृष (ई ऊ ए ओ बा बि बु वे वो ) स्वास्थ्य सम्बन्धि बिशेषगरि पेट सम्बन्धि समस्याले सताईरहनेछ । ब्यापार ब्याबसायमा सन्तोषजनक फाईदा हुनेछ । बिद्या तथा प्रतिश्पर्धामा सफलता पाउँन अलि बढिनै संघर्ष गर्नुपर्नेछ । माया प्रेममा धोका हुन सक्छ भने एकोहोरो माया प्रेमले सताईरहनेछ । सन्तान तथा छोराछोरिबाट तपाईको काममा सहयोग हुने छैन । बौद्धिक कार्यमा सहभागि भई आफ्नो क्षमता प्रदशन गर्ने अवसर प्राप्त हुनेछ भने सोचेजस्तो पारिश्रमिक नपाउँदा मन खिन्न हुनेछ । 

मिथुन (का की कु घ ङ छ के को हा) सामाजिक तथा राजनितिक सभा समारोहमा सहभागि हुने अवसर जुर्नेछ । कृषि तथा पशुपालन ब्याबसायमा भने जस्तो नाफा कमाउन सकिनेछ । बिद्या तथा प्रतिश्पर्धामा तपाईकै जित हुनेछ । कडा परिश्रमको बावजुत सवारि साधन तथा घर जग्गाको कारोबारबाट राम्रै आम्दानि गर्न सकिनेछ । माया प्रेम तथा पति पत्निबिच सौहार्दपुण सम्बन्ध रहनेछ ।

कर्कट (हि हु हे हो डा डि डु डे डा) उद्योग ब्यापार ब्याबसायबाट मनग्गे आम्दानि हुने हुनाले मन प्रशन्न रहनेछ । पराक्रम बडेर जानुका साथै कामहरु समयमा बन्नेछन् । माया प्रेम तथा  पति पत्निबिचको सम्बन्धमा बिश्वासको बाताबरण बढेर जानेछ  । छोटो तथा रमाईलो यात्राको तय हुनेछ । दाजुभाई तथा छर छिमेकबाट उचित सल्लाह पाईनेछ । वादबिवाद , प्रतिश्पर्धा तथा मुद्दा मामिलामा तपाईकै जित निश्चित छ । बिद्यामा सफलता हात लाग्नेछ ।

सिहं (मा मी मु मे मो टा टि टु ट) बोलिको प्रभाव बढ्ने हुँदा बोलिकै भरमा कामहरु सम्पादन हुनेछन् । धन सम्पति तथा आय आर्जनमा बृदि हुनेछ । माया प्रेमको गाठो झन कसिलो भएर जानेछ । कुटुम्बसँगको सम्बन्धमा नयाँ अध्यायको शुरुवात हुनेछ । पारिवारिक माहोलमा जमघट भई मिष्टान्न भोजन गर्ने अवसर प्राप्त हुनेछ । बिद्या तथा प्रतिश्पर्धामा तपाईको नाम अग्र्र पंतिमा आउनेछ । 

कन्या (टो पा पि  पू ष ण ठ पे पो) सांगितिक माहोलमा दिन बित्ने हुँदा मन प्रशन्न रहनेछ । राजनिति तथा समाजसेवामा गरिएको लगानि बाट राम्रै प्रतिफल प्राप्त हुनेछ भने सम्मानित ब्याक्तित्वसँग भेट हुनेछ । मान सम्मान तथा ईज्जत प्रतिष्ठामा बृद्धि हुनेछ । निति निर्माण तहमा तपाईको सहभागिताले महत्वपुर्ण भुमिका खेल्नेछ । ब्यापार ब्याबसायमा प्र्रशस्त नाफा कमाउन सकिनेछ । बिद्या तथा प्रतिश्पधामा तपाईकै जित हुनेछ । परिवारका सदस्यहरुले तपाईको काममा सहयोग गर्नेछन् । 

तुला ( रा री रु रे रो ता ती तू ते ) बैदेशिक यात्रा तथा लामो दुरिको यात्रा हुनेछ । बैदेशिक क्षेत्रसँग सम्बन्धित ब्याबसाय फस्टाएर जानेछ । बिद्या तथा प्रतिश्पर्धामा कडा मेहनेत गर्नुपरेपनि सफलता हात लाग्नेछ । खर्च बढेपनि सिर्जनात्मक काममा नै लगानि हुनेछ । माया प्रेममा धोका हन सक्छ । जोडबल लगाउदा नबन्ने कामहरु पनि बन्नेछन् भने समयलाई ख्याल नगर्दा पछि परिनेछ ।

बृश्चिक (तो ना नि नु ने नो या यी यू ) बिद्या तथा प्रतिश्पर्धामा प्रतिश्पर्धिहरुलाई पाखा लगाई अगाडि बढिनेछ । ब्यापार ब्याबसायमा प्रसश्त नाफा कमाउन सकिनेछ बिशेष गरि तरल पदार्थ तथा औषधि सँग सम्बन्धित ब्याबसायमा लगानि गर्दा आम्दानि बढ्नेछ । माया प्रेममा  सामिप्यता बढेर जानेछ । आम्दानिका नयाँ नयाँ स्रोतहरु फेला पर्नेछन् । सवारि साधन प्राप्तिको योग रहेको छ तथा भौतिक सामानहरु लाभ हुनेछ ।

धनु (ये यो भा भी भू ध फा ढा भे) राजनिति तथा समाजसेवामा जनताको गतिलो समर्थन प्राप्त हुनेछ ।  मान सम्मान तथा ईज्जत प्रतिश्ठामा बृद्धि भएर जानेछ । महत्वपुर्ण जिम्मेवारि समाल्नु पर्नेछ । नयाँ काम पाउने तथा बढुवा हुने योग रहेको छ । सांगितिक माहोलमा जमघट भई मिष्टान्न भोजन ग्रहण गर्ने अवसर प्राप्त हुनेछ । ब्यापार ब्याबसायमा प्रशस्त नाफा कमाउन सकिनेछ । माया प्रेम तथा पति पत्निबिच बिश्वासको बाताबरण बढेर जानेछ ।

मकर (भो जा जी  खी खू खे खो गा गी) ब्यापार ब्याबसायमा खासै प्रगति हुने छैन ।  मान सम्मान तथा ईज्जत प्रतिष्ठामा दाग लाग्न सक्छ । बुवा तथा बुवा सरहका मानिससँग बिवाद बड्नेछ । काम गर्दा ख्याल गर्नुहोला राज्जलाई दण्ड, जरिवाना तिर्नुपर्ला  तथा गलत आक्षेप लाग्न सक्छ । आफन्त तथा नजिकका मानिसबाट काममा धोका हुनसक्छ । गलत मानिसको फन्दामा परिन सक्छ । धार्मिक तथा शैक्षिक यात्रा गर्दा बिचार गर्नुहोला कष्टकर पनि हुन सक्छ ।

कुम्भ (गू गे गो सा सि सू से सो दा) ब्यापार ब्याबसायमा नाफा कमाउँन  बढि समय दिनु पर्नेछ । बैक तथा बित्तिय क्षेत्र तथा सट्टाको ब्याबसाय भने फस्टाएर  जानेछ । बिद्या तथा प्रतिश्पर्धामा सोचेजस्तै प्रगति हुने छैन । स्वास्थ्यमा श्वास प्रवास तथा एलर्जि हुन सक्छ सजक रहनु होला । मानशिक चिन्ता बढ्नुको साथै ऋण लाग्न सक्छ काम गर्दा ध्यान दिनुहोला । माया प्रेममा धोका हुनेछ तथा पति पत्नि बिचको सम्बन्धमा अबिश्वास बढ्नेछ । 

मीन (दी दू थ झ ञ दे दो चा चि ) बिद्या, वादबिवाद तथा प्रतिश्पर्धामा तपाईकै जित हुनेछ । माया प्रेम तथा पति पत्निबिच सामिप्यता बढेर जानेछ । ब्यापार ब्याबसायमा प्रशस्त नाफा हुनेछ । छोटो तथा रमाईलो यात्राको अवसर प्राप्त हुनेछ । राजनिति तथा सभा समारोहमा सहभागि भई मिष्टान्न भोजन ग्रहण गर्ने अवसर मिल्नेछ । भौतिक तथा सवारि साधन प्राप्तिको योग रहेको छ । तपाईको सुन्दर ब्याक्तित्वले सबैजना मख्ख पर्नेछन् 

रासिफलमा जे जस्तो भए पनि ब्यस्त रहनुहोस् मस्त रहनुहोस् धन्यबाद ।