आजको राशिफल

नवयूग ज्योतिष परामर्श सेवा केन्द्र, 

लगनखेल,९८५११७८४५९

बि.स. २०७३ साल भाद्र २९ गते । बुधबार  । ईश्वी सन् २०१६ सेप्टेम्बर १४ तारिख ।  नेपाल सम्बत् १९३६ । सौम्यनामसंवत्सर । दक्षिणायनं । बर्षा ऋतु । श्रीशाके १९३८  । भाद्र शुक्ल त्रयोदशी ५४ घडि २४ पला । नक्षत्र श्रवण ०७ घटि ३० पला । ०८ बजेर ४९ मिनेट पछि धनिष्ठा । काठमाडौंमा सूर्योदय ५ बजेर ४९ मिनेट, सूयास्त बेलुका ०६ बजेर ०८ जादा । दिनमान ३० घडी ४७ पला । 

मेष (चु चे चो ला लि लु ले लो अ) मान सम्मान तथा ईज्जत प्रतिष्ठामा बृद्धि भएर जानेछ । नयाँ काम पाउने तथा बढुवा हुने योग रहेको  छ । ब्यापार ब्याबसायबाट प्रशस्त नाफा कमाउन सकिनेछ । थोरै मेहनेतबाट प्रशस्त लाभ लिने समय रहेको छ । राजनिति तथा समाजसेवामा जनताको बलियो समर्थन प्राप्त होला । बुवा तथा बुवा सरहका ब्याक्तिबाट भरपुर सहयोग प्राप्त हुनेछ । बिद्या तथा बादबिवाद प्रतियोगितामा तपाई अब्बल साबित हुनुहुनेछ ।

बृष (ई ऊ ए ओ बा बि बु वे वो)  प्रशासनिक क्षेत्रमा तपाईको बर्चश्व कायम रहने छ । मान सम्मान तथा ईज्जत प्रतिष्ठामा बृदि भएर जानेछ । बिद्यामा सफलता पाईनेछ । स्वास्थ्यमा सुधार भएर जानेछ । गोप्य कुनै फाईलहरु बाहिर आउन सक्छन् ध्यान दिएर काम सम्पादन गर्नुहोला । पुराना साथिभाईबाट सहयोग हुनेछ । धार्मिक कार्यका मन जानेछ ।  परम्परा धर्म सस्कृति तथा रितिरिवाज जोगाउन आवाज बुलन्द गर्ने कार्य हुनेछ । ब्यापार ब्याबसायबाट प्रशस्त आम्दानि हुनेछ ।  

मिथुन (का की कु घ ङ छ के को हा) ब्यापार ब्याबसायमा नाफा कमाउन बढीनै समय दिनु पर्नेछ । आर्थिक अभावले कामहरु समयमा सम्पादन नहुँदा मानशिक तनाब बढ्नेछ  । शेयर बजार तथा सट्टाको ब्याबसाय फस्टाएर जानेछ । आम्दानि भएपनि बचाउन मुस्किल पर्नेछ । स्वास्थ्य सम्बन्धि सामान्य समस्या आउन सक्ने हुनाले स्वास्थ्यको ख्याल गर्नुहोला ।  बिद्यामा सफलता पाउँन निकैनै संघर्ष गर्नु पर्नेछ । पति पत्नि बिच मनमुटाब बढ्नेछ भने माया प्रेममा धोका हुनेछ ।

कर्कट (हि हु हे हो डा डि डु डे डा) घर परिवारमा आउँने दैनिक समस्याले सताईरहनेछ । माया प्रेममा धोका हुन सक्छ । घर परिवारमा तथा पति पत्नि बिच मनमुटाब बढ्नेछ । स्वास्थ्यमा सामान्य समस्या आउने हुनाले खानपानमा तथा अन्य कुराहरुमा ध्यान दिनुहोला । गोप्य कुराहरु बाहिर आउन सक्छन् ध्यान दिएर काम गर्नुहोला । धन सम्पति तथा अचल सम्पति हराउन तथा लुटिन सक्छ सजक रहनुहोला । ब्यापार ब्याबसायमा नाफा कमाउन निकैनै समय दिनु पर्नेछ ।

सिहं (मा मी मु मे मो टा टि टु ट) ) माया प्रेममा सामिप्यता बढेर जानेछ । वाद बिवाद तथा प्रतिश्पर्धामा तपाईकै जित हुनेछ । सत्रु परास्त हुनेछन् भने न्यालयबाट हुने निर्णयहरु तपाईकै पक्षमा हुनेछन् । बिद्यामा गरिएको मेहनेत खेर जाने छैन । मामा तथा मावलि पक्षबाट अपेक्षित सहयोग पाईनेछ ।  बिशेष गरि आयात निर्यात तथा  सप्लाई सम्बन्धि ब्यापार फस्टाएर जानेछ । कुरा काट्ने तथा खुट्टा तान्नेहरु तपाईकै बसमा पर्नेछन् ।

कन्या (टो पा पि  पू ष ण ठ पे पो) पढाई लेखाईमा राम्रो प्रगति हुनेछ  । बौद्धिक कार्यमा सहभागि भई आफ्नो गतिलो प्रश्तुति पस्कने अवसर प्राप्त हुनेछ । परिवार तथा सन्तान बाट  तपाईले गरेको काममा सहयोग हुनेछ  । ब्यापार ब्याबसायमा लगानि बडाउँदा राम्रो प्रतिफल प्राप्त हुनेछ । माया प्रेममा बिश्वासको बाताबरण बढेर जानेछ । आकस्मिक लाभ हुने तथा बाधा अवरोधहरु स्वत हटेर जानेछन् ।

तुला ( रा री रु रे रो ता ती तू ते ) ब्यापार ब्याबसायमा नाफा कमाउन निकैनै संघर्ष गर्नुपर्नेछ । सवारि साधन तथा घर जग्गाको कारोबारबाट केहि मात्रमा लाभ लिन सकिनेछ । बिद्या तथा प्रतिश्पर्धामा सफलता पाउन बढिनै मेहनेत गर्नु पर्नेछ । आमा तथा आमासरहका मानिससँग मनमुटाब बढ्नेछ । सामान्य स्वास्थ्य सम्बन्धि समस्याले पिरोल्नेछ । राजनिति तथा समाजसेवामा जनताको खासै समर्थन प्राप्त हुनेछैन ।

बृश्चिक (तो ना नि नु ने नो या यी यू ) पराक्रम बढ्नेछ । बादबिवाद तथा प्रतिस्पर्धामा तपाईकै जित हुनेछ । मुद्दा मामिला तथा न्यालयबाट हुने न्याय सम्पादन तपाईकै पक्षमा हुनेछ   । दाजुभाई तथा छिमेकिसँगको सम्बन्ध सुमधुर भएर जानेछ । बिद्या सफलता प्राप्त हुनेछ । छोटो तथा रमाईलो यात्रा   को तय हुनेछ । माया प्रेम तथा पति पत्नि बिच बिश्वासको बाताबरणमा थप प्रगाडता आउनेछ । जिवन शैलिमा सुधार हुनुको साथै समयको महत्व बुझ्दा अगाडि बढ्न सहज हुनेछ ।

धनु (ये यो भा भी भू ध फा ढा भ) बोलिको प्रभाव बढ्ने हुँदा बोलिकै भरमा कामहरु सम्पादन हुनेछन् । धन सम्पति तथा आय आर्जनमा बृदि हुनेछ । माया प्रेमको गाठो झन कसिलो भएर जानेछ । कुटुम्बसँगको सम्बन्धमा नयाँ अध्यायको शुरुवात हुनेछ । पारिवारिक माहोलमा जमघट भई मिष्टान्न भोजन गर्ने अवसर प्राप्त हुनेछ । बिद्या तथा प्रतिश्पर्धामा तपाईको नाम अग्र्र पंतिमा आउनेछ । सांगितिक क्षेत्रमा समय दिनेहरुका लागि आजको दिन उत्तम रहेको छ । 

मकर (भो जा जी  खी खू खे खो गा गी¬) मान सम्मान तथा र्ईज्जत प्रतिश्ठामा बृद्धि भएर जानेछ । राजनिति तथा समाजसेवामा जनताको प्रत्यक्ष सहभागिता सहितको समर्थन प्राप्त हुनेछ । राजनितिक सभा समारोहमा सहभागि हुने अवसर जुर्ने तथा मिष्टान्न भोजन ग्रहण गर्ने अवसर प्राप्त हुनेछ । माया प्रेममा सामिप्यता बढ्ने तथा पति पत्निबिच बिश्वासको बातावरण बढेर जानेछ ।  ब्यापार ब्याबसायबाट प्रशस्त नाफा कमाउन सकिनेछ ।

कुम्भ (गू गे गो सा सि सू से सो दा) )बैदेशिक क्षेत्रसँग सम्बन्धित ब्यापार ब्याबसाय फस्टायर जानेछ । लामो दुरिको यात्रा हुनेछ । स्वास्थ्य सम्बन्धि सामान्य समस्याले सताउनेछ भने शरिरमा आलस्यता तथा अल्छिपना बढेर जानेछ । अनाबस्यक ठाउमा श्रम तथा शक्ति प्रयोग हुनेछ । आफन्त तथा घर परिवारका मानिस सँग बिवाद बढ्नेछ भने बिश्वास गरेका बाटनै धोका हुनेछ । बिद्यामा सफलता पाउन निकै नै संघर्ष गर्नु पर्नेछ । 

मीन (दी दू थ झ ञ दे दो चा चि ) ब्यापार ब्याबसायबाट प्रशस्त आम्दानि हुनेछ ।  तरल पदार्थ, पानि तथा  हाईड्रोपावरमा लगानि गर्दा राम्रो प्रतिफल प्राप्त हुनेछ । पारिवारिक समस्या स्वत हटेर जानेछ भने दाजुभाई तथा आफन्तजनबाट आर्थिक सहयोग प्राप्त हुनेछ । बिद्यामा अरुलाई पछि पारेर अगाडि बड्ने समय रहेको छ । साना तिना स्वास्थ्य सम्बन्धि समस्याले सताउनेछ । माया प्रेमको बन्धन कसिलो हुनको साथै दाम्पत्य जिबन सुखि रहनेछ ।

रासिफलमा जे जस्तो भए पनि ब्यस्त रहनुहोस् मस्त रहनुहोस् धन्यबाद ।