आजको राशिफल

ज्योतिष परामर्श सेवा सदन

ज्योतिषि दुर्गा प्रसाद भण्डारी

बि.स. २०७३ साल भाद्र ०२ गते । बिहिबार  । ईश्वी सन् २०१६ अगष्ट १८ तारिख ।  नेपाल सम्बत् १९३६ । सौम्यनामसंवत्सर । दक्षिणायनं । बर्षा ऋतु । श्रीशाके १९३८  । श्रावण शुक्ल पुर्णिमा  २३ घटि ४२ पला । नक्षत्र धनिष्ठा ४७ घटी ५९ पला ।  काठमाडौंमा सूर्योदय ५ बजेर ३६ मिनेट, सूयास्त बेलुका ०६ बजेर ३७ जादा । दिनमान ३२ घटि ३२ पला । ऋषितर्पणी ,(जनैपूर्णिमा),रक्षाबन्धन ।

मेष (चु चे चो ला लि लु ले लो अ) मान, सम्मान तथा ईज्जत प्रतिष्ठामा आँच आउन सक्छ कामगर्दा साबधानि अपनाउनु होला । ब्यापार ब्याबसायमा नाफा कमाउन निकै संघर्ष गर्नुपर्ला । आफन्तहरु तपाईसँग टाडिनेछन् । पति पत्नि बिच मनमुटाब बड्नेछ । राजनिति तथा समाजसेवामा जनताको आलोचनात्मक समर्थन रहनेछ । मध्यान्हपछि आय आम्दानि बढ्नेछ भने सोचेका कामहरु हुनेछन । बिद्यामा सुधार भएर जानेछ भने ब्यापार ब्याबसायबाट प्रशस्त नाफा कमाउन सकिनेछ ।

बृष (ई ऊ ए ओ बा बि बु वे वो ) धार्मिक कार्यका मन जानेछ । शैक्षिक तथा धार्मिक यात्राको प्रशस्त सम्भावना रहेको छ । परम्परा धर्म सस्कृति तथा रितिरिवाज जोगाउन आवाज बुलन्द गर्ने कार्य हुनेछ । मध्यान्हदेखि मान सम्मान तथा ईज्जत प्रतिष्ठा गुम्ने खतरा रहेकोछ सजक रहनुहोला । सोचेका तथा गरेका कामहरु समयमा सम्पन्न नहुँदा मानशिक तनाब बड्नेछ । प्रेममा धोका हुन सक्छ । बिद्यामा प्रगति गर्न निकै मेहनेत गर्नुपर्नेछ । 

मिथुन (का की कु घ ङ छ के को हा) ब्यापार ब्याबसायमा आजको दिन लगानि नगर्नुनै राम्रो हुनेछ ।  स्वास्थ्यमा श्वास प्रश्वास सम्बन्धि तथा चिसोको समस्या बड्नेछ । बिद्यामा सफलता पाउन मेहनेत गर्नुपर्ला । केही काम शुरु गर्दै हुनुहुन्छ भने मध्यान्न पछिको समय उपयूक्त रहेको छ ।  प्रसाशनिक क्षेत्रमा तथा सामाजिक क्षेत्रमा ब्यस्त हुने समय रहेको छ । साथिभाई, आफन्त तथा घर परिवारबाट तपाईको काममा सहयोग हुनेछ । रोकिएर बसेका कामहरु सुचारु हुनेछन् ।

कर्कट (हि हु हे हो डा डि डु डे डो) मानशिक चिन्ता बड्नेछ । स्वास्थ्य सम्बन्धि समस्या आउनेछ ख्याल गर्नुहोला । माया प्रेम तथा पति  पत्निबिच केहि बिषयमा मनमुटाब बढ्नेछ । बिद्या तथा प्रतिश्पर्धामा पछि परेको भान हुनेछ  । मध्यान्ह पछि  धन माल हराउन तथा लुटिन सक्छ सजक रहनु होला । ब्यापार ब्याबसायमा नाफा कमाउन बढिनै संघर्ष गर्नुपर्नेछ । कामका सवालमा उठ्ने गोप्यकुराहरु बहिर आउन सक्ने हुनाले सजक रहनु पर्नेछ । दिदि बहिनि सँग मनमुटाब बढ्नेछ ।

सिहं (मा मी मु मे मो टा टि टु ट) बिद्या तथा प्रतिश्पर्धामा पछि परेको भान हुनेछ । पारिवारिक खर्च बढ्ने हुनाले मन चिन्तित हुनेछ । स्वास्थ्यमा सामान्य समस्या आउने हुनाले खानपानमा ध्यान दिनुहोला ।  ब्यापार ब्याबसायमा लगानि गदैै हुनुहुन्छ भने वा केहि शुभ कार्य गर्दै हुनुहुन्छ भने मध्यान्ह पछिको समय उपयुक्त रहेको छ । रमाईलो तथा खर्चिलो यात्रा हुनेछ भने भौतिक सम्पति तथा धनमाल हातलागि हुनेछ ।

कन्या (टो पा पि  पू ष ण ठ पे पो) ) पढाई लेखाई प्रगतिकै बाटोमा अगाडि बड्नेछ । माया प्रेममा सामिप्यता बड्नेछ । सन्तान तथा आफन्तजनबाट सहयोग पाईने हुनाले मन  प्रशन्न रहनेछ । ब्यापार तथा ब्याबसायबाट प्रशस्त आम्दानि हुनेछ । अरुलाई आफ्नो क्षमता प्रयोग गरेर सजिलै बहसमा पार्न सकिनेछ । आकस्मिक धन लाभ हुनेछ । मध्यान्हपछि बादबिवाद तथा प्रतिश्पर्धामा भाग नलिनु होला अरुभन्दा पछि परिनेछ । सानातिना स्वास्थ्य सम्बन्धि समस्याले सताउनेछ भने खर्च बढेर जानेछ ।

तुला ( रा री रु रे रो ता ती तू ते ) राजनिति तथा समाजसेवामा जनताको आलोचनात्मक समर्थन रहने छ । कृषि तथा पशुपालन ब्याबसाय फस्टायर जानेछ । बिद्यामा सोचेजस्तो प्रगति नहुन सक्छ । छाति सम्बन्धि समस्याले नसताउला भन्न सकिन्न । घर जग्गा तथा सवारि साधनको ब्यापार ब्याबसायबाट सन्तोष जनक नाफा कमाउँन सकिनेछ भने मध्यान्न पछिको समय राम्रो रहेको छ । पढाई लेखाई प्रगतिकै बाटोमा अगाडि बड्नेछ । माया प्रेममा सामिप्यता बड्नेछ । सन्तान तथा आफन्तजनबाट सहयोग पाईने हुनाले मन  प्रशन्न रहनेछ ।

बृश्चिक (तो ना नि नु ने नो या यी यू ) वादबिवाद तथा मुद्दा मामिलमा तपाईकै जित हुनेछ ।  अदालत तथा न्यायलयबाट हुने न्यायिक निणय हरु तपाईकै पक्षमा हुनेछन् । दाजुभाई तथा छिमेकिबाट काममा सहायोग पाईने हुनाले मन प्रशन्न रहनेछ । छोटो तथा महत्वपुर्ण यात्रा तय हुनेछ । पराक्रम बढेर जाने हुनाले शाहसिलो काम गर्ने जागर आउनेछ । बिद्यामा सफलता प्राप्त हुनेछ । ब्यापार ब्याबसायबाट प्रशस्त नाफा कमाउन सकिनेछ । आफुभन्दा बिशिष्ट ब्याक्तिको संगतले मन प्रशन्न हुनेछ ।

धनु (ये यो भा भी भू ध फा ढा भे) बोलोको प्रभाब बढ्नेछ । थोरै बोलेर धेरै आय आर्जन गर्न सकिनेछ । ब्यापार ब्याबसाय फस्टाएर जानेछ । पारिवारिक माहोलमा दिन बित्ने हुँदा मन प्रशन्न रहनेछ साथै मिष्टान्न भोजन ग्रहण गर्ने अवसर प्राप्त हुनेछ । मध्यान्हपछिको समय त्यति उपयुक्त नभएकोले लगानि गर्दा दाजुभाईसँग कुनै कारोबार गर्दा तथा छिमेकिबाट सजक रहनुहोला ।

मकर (भो जा जी  खी खू खे खो गा गी) )समाजमा मान सम्मान तथा ईज्जत प्रतिष्ठा बडेर जानेछ । राजनिति तथा समाजसेवामा जनताको गतिलो समर्थन प्राप्त हुनेछ । पारिवारिक माहोलमा दिन बित्नेहुँदा मन प्रशन्न रहनुका साथै परिवारका सदस्यहरु खुसि रहनेछन् । ब्यापार ब्याबसायमा प्रशस्त आम्दानि हुनेछ । माया प्रेममा सामिप्यता बडेर जानेछ । बिद्यामा सोचेजस्तै प्रगति हुनेछ । राजनितिक सभा समारोहमा जमघट भई स्वादिष्ट भोजन ग्रहण गर्ने अवसर जुर्ने हुनाले मन प्रशन्न रहनेछ ।

कुम्भ (गू गे गो सा सि सू से सो दा) बिदेशबाट आयात हुने सामानको ब्यापार ब्याबसाय  बाट प्रशस्त नाफा कमाउन सकिनेछ  । बैदेशिक यात्रा तथा यात्रासँग सम्बन्धित कामहरु हुनेछन् । स्वास्थ्य सम्बन्धि सामान्य समस्याले सताउनेछ । बिद्यामा प्रगति कछुवागतिमा हुनेछ । मध्यान्न पछि मान सम्मान तथा ईज्जत प्रतिष्ठामा बृद्धि भएर जानेछ भने पारिवारिक माहोलमा सहभागि भई मिष्टान्न भोजन गर्ने अवसर प्राप्त हुनेछ ।

मीन (दी दू थ झ ञ दे दो चा चि ) ब्यापार ब्याबसायबाट प्रशस्त आम्दानि हुनेछ । बिशेष गरि औषधि तथा पानि सँग सम्बन्धित ब्याबसायबाट प्रशस्त लाभ लिन सकिनेछ । आए आर्जन गर्ने नयाँ नयाँ बाटाहरु फेला पर्नेछन् ।  बिद्यामा सोचेअनुरुपनै प्रगति हुनेछ । परिवार तथा आफन्तहरु तपाईको कामदेखि प्रशन्न हुनेछन् । सवारि साधन प्राप्त हुने योग रहेको छ । मध्यान्न पछि बैदेशिक यात्राको प्रवल सम्भावना रहेको छ भने खर्च बढ्ने हुँदा मन चिन्तित रहने छ ।

रासिफलमा जे जस्तो भए पनि ब्यस्त रहनुहोस् मस्त रहनुहोस् धन्यबाद ।